Tuesday, May 17

أشجع واحدة


لكل بنت أو إمرأة في الدنيا راجل كسرها
أو بكاها
أو حتى كانت معاه بتدور منه على كلمة حلوة
لكل واحدة ثقتها بنفسها إتعدمت بسبب راجل
لكل واحده سمحت لاي إنسان يحولها لكائن غريب عنها

إنت تستاهلي تبقي سعيدة
إنت ضحكتك هي فرحة الدنيا كلها
إنت أشجع واحدة هتاخد قرار وتبقى سعيدة ومبسوطة طول العمر

Monday, May 9

أفكار خارج الخدمة

تقريبا من كتر الفراغ الي بقى في مخي بقيت كل أطلع بفكرة جديدة
اقرر مرة اني هدرب نفسي بنفسي على الكتابة الإبداعية عن طريق الكورسات الاجنبية المتاحة اونلاين
مرة قررت اني اعمل موقع لنفسي واكتب فيه واكون فريق واكبر بقى
المرة الي بعدها قناة على اليوتيوب.. وافكار ليها بالهبل
طيب اعمل راديو من البيت واكلم كل ماما مغتربة مفحوتة مع اولادها الاعزاء زي حلاتي
طيب بلاها كل ده انا هعمل جروب على الفيسبوك وابيع حاجات، اشمعنى انا يعني
لا لا لا انا هستخبى تحت البطانية ومش هعمل حاجه خالص
ايه ده
انا زهقانة 
طيب عيد من الاول

محدش ينوبه فيا ثواب ويشوفلي حاجه اعملها