مروة حبيبتي

احساس جميل جدا لما تعلم حد حاجه جديده وينتفع بيها, انا بالنسبه ليا مروة اختي الصغيرة كانت حقل التجارب وبصراحه لحد دلوقتي, اول حاجه علمتهالها ازاي تكتب اسمها كان لسه عمرها 3 سنين او يمكن اكبر شويه.

فضلت تكتبه في كل مكان على الورق والحيطان, كانت حتى بتكتبه من الشمال لليمين زي الانجليزي مع اني علمتهولها بالعربي, ولحد دلوقتي لسه اسمها مكتوب على الحيطه مش راضيين ندهنوا, بصراحه عشان نذلها بيه شويه.

اكتر حاجه بحبها اني لما بعلمها حاجه بتثبت في مخها ان هو ده الصح, يمكن عشان لسه خبرتها في الحياه معدومه, في الاول كنت بقع اضحك اوي عليها لما اعلمها حاجه غلط او اقولها معلومه غلط وهي تروح تقنع بيها اصحابها وتزعل جدا لما حد يقولها ان الي هي بتقولوا غلط , وترجع تقولي هو انت ممكن توليلي حاجه غلط, وانا بكل شهامه اقولها لأ طبعا, بس بعد كده لقيت اني لازم اعلمها الصح او على الاقل لو انا مش عارفاه اسيب غيري يعلموهلها, بس بيبقى حلو احيانا اني استغل سذاجتها

متزعليش مني يا احلى مروة في الدنيا كلها عشان انت عارفه انا بحبك اد ايه.

الدائرة وانا

يتملكني هوس دائم بالدائرة, وارى انها اصل كل شيء, كل نقطه بها تصلح ان تكون نقطه بداية او نهايه,

,وتظل الى مالا نهايه, حتى هذه الحياة ارى انها تدور في دائرة مغلقه لا تنفك أحداثها ان تنتهي الا و تبدأ من

جديد, لا تتغير فيها الاحداث كثيرا سوى من تلك التفاصيل الدقيقه التي تعطي كل حدث شخصية صاحبه

وتستمر الاحداث في تكرار نفسها دون ملل.

أحيانا أرى ان الحياة نفسها دائرة, كلها منعطفات لا خطوط مستقيمه, نسير فيها الى الامام فقط, لا سبيل

الى الوراء, ما حدث فيها من اخطاء لابد ان نتعلم منه, لانه سيتكرر- اكاد اجزم انه سيتكرر-.

في دائرة حياتك قد تكون نقطه بدايتك هي نقطه نهايه لغيرك, وقد تكون اعلى نقطه على قمه حياتك, اسفل

نقطه في حياة غيرك, في الحياة- التي هي دائرة كبيرة- تتشابك دوائر حياتنا وتكاد لا ترى من كثرتها,

ولكن احدا لم يخرج يوما عن دائرته الشخصيه.

أعلم ان هذه الفكرة قد تقودني الى الجنون, كما اعلم ان احدا لا اعرفه هوسته هذه الفكرة قبلي, وسيكون من

بعدي.

بسم الله نبدأ

على الله اتوكل وابدأ في مدونتي التي شهدت قبلها محاولات عدة في التدوين ولكن كلها لم يكتب لها النجاح
,قد يكون السبب في ترددي او عدم معرفتي الكافيه بعالم التدوين ولكن الان امل ان اكون على المستوى الذي يساعدني على الاستمرار.
والان اطلب من الله تعالى ان يوفقني الى ما يحبه ويرضاه لي ويرضني به