مش عايزة اتفزلك ، نفسي اعمل زي الناس واقول كل سنة وانتم طيبين وسنه جديدة سعيدة وخلاص
واسأل الاسئلة المعتادة بتاعت تمنياتك ايه للعام الجديد؟ او على الاقل اقول تمنياتي
بس لأ انا مش عايزة كده
عايزة اكتب عن العمري الي بيجري والفوبيا الي مسببهالي
عن الناس الي ربنا رزقني بيهم لولاهم كنت ممكن اكون مش موجوده دلوقتي
عن ناس حبيتهم وسبوني وناس حبوني وسبتهم واد ايه ده غريب
عن قلم خدته من الدنيا فوقني على حقايق كتير وندم اكبر
عن فراغ عايشة فيه بلا نهايه
عن حضن بدور عليه عشان احس بالامان ومش لاقياه
عن امل لبكرة وحلم بعيد نفسي احققه
كنت بتريق واقول للناس
heavy new year
بس الظاهر ان دي الحقيقة وان السنه الجديدة فعلا تقيله عليا
2 comments:
تفائلى خيرا إن الله مع الصابرين إذا صبروا وأنتى صبرتى كتيير خلى إيمانك بربنا كبير يا شيكو , الحياة حلوة بس إحنا عشان متعورين ف شاغلنا الجرح لكن أول ما نخف هنحس بمتعة الحياة , أدعى ربنا أننا نخف بسرعة
sheroo
ان شاء الله نخف بسرعة :D
Post a Comment