الكلمة الحلوة لها تأثير السحر.... يمكن
كلمة الراجل زي حد السيف... كلاااااااام
الكلمة شرف وميثاق... ده ايام جدي وجدك
الكلمة اتقال فيها كلام كتيييييير اوي يمكن عشان تاثيرها على الناس غالبا بيكون اكبر من حجمها
ممكن تقوم حرب او ثورة بسبب كلمة
فاكرين وامعتصماه
المعتصم بالله جهز جيش بحاله بعدته وعتاده عشان امرأة استنجدت بيه، فتحت عموريه بسبب كلمة
تخيل انت بقى واقف عند الكشك مع اصحابك وبين كل كلمة وكلمة لازم تجيب سيرت السلوك الغير قويم لام واحد منكم
او تشكك في رجولته، الكلمة دي ممكن تعمل ايه... اكيد تفتح دماغك مش عموريه
تخيلي انك قاعده مع صحباتك في ديش بارتي ولا في النادي وماسكين بعض، لا لا لون شعرك ده مكبرك اوي، او لا لبسك ده واسع اوي كده ليه يا بنتي انت جسمك حلو مخبياه ليه
احنا ليه مستهونين بقوة الكلمة وقوة تأثيرها على الي حولينا
اقولك حاجه حلوة ممكن تجربها
اختار مجموعة كلمات يكون ليها نفس التأثير يعني يا كلها سلبيه يا كلها ايجابيه
وتعامل بيها لمده اسبوع
ولا اقولك لمده يوم واحد.... واحد بس
شوف تأثير كلامك على الي حواليك وعليك انت شخصيا
لو الكلمة ملهاش تأثير مكنتش هتبقى هي وسليه التواصل الاولى كل السنين دي
14 comments:
جاري شحن الطاقات اللازمة
جاري تحضير الادوات والامكانيات الملائمة
لعلي اعمل صالحا :)
@ Hiba
يا رب تقبل :D
يا ولالالالالالالالالا على الحلاوة
طيب السؤال اللى يطرح نفسه ... انتى هتختارى انهى كلمة تقوليها لنفسك باستمرار الاسبوع دة ؟
@ Eman
جربي انت وقوليلي وصلتي لايه
وبعدين ابقى اقولك ;)
انا عارفة ;)
أوبااااااااااا كلام كبير
طيب مش تقولي
;)
لأ حلو اوي بجد
ممممممم
بفكر اجرب كلمتين واشوف نتيجتهم
وربنا ييسر
:)))
@ Anonymous
من غير اوباااا ولا حاجه
بس نعرف النتيجه بتاعت الكلمتين ايه ;)
ya moshel yaRAB :) bas sa7e7 kalmtek enty eah :P wala hatgraby both of them :))
انا متفقة تماما معاكى فى قوة تأثير الكلمة على الناس
لكن فى نقطة مهمة جدا
فى ناس كلامها كله حلو اوى لكن مخالف للحقيقة تماما
دول نعمل فيهم ايه
انا شخصيا بكره النوع دا من الناس
لانى بحس انه زى السم فى العسل
جسمك حلو مخبياه ليه (:
ربنا بيقول للشئ كن فيكون
كلمه افتح يا سمسم الى محيره العالم لغايه دلوقتى
الدعاء بالكلام
السحر بالكلام وعكسه بالكلام والاستعاذه من الشيطان بالكلام ( مش بنروح نزقه ولا نقفل السماعه فى وشه )
بنعرف بعض من الكلام ( تكلم حتى اراك )
بس احيانا الكلام بيسبق التفكير وبيبقى ضرورى نرجع الشريط من الاول
احيانا بنبقى عاوزين نعبر بس كلامنا مش بيسعفنا
واحيانا الى قدامنا مش بيدينا فرصه
وبيرجع كلامنا تانى
الكلام ده اغلى بضاعه
وكفايه ان ( اذا صلح اللسان .............
انتى كلامنجيه بريمو
@ Anonymous
فى ناس كلامها كله حلو اوى لكن مخالف) (للحقيقة تماما
حلو جدا اننا نلتمس للناس عذر، يعني ممكن الي بيعمل كده يكون فعله غلط بس هو عايز ينشر الصح عشان الناس تعمه حتى لو كان هو مش قادر
فعلا الفعل بيكون تاثيره اقوى من الكلمة في بعض الاحيان، بس ده ميمنعش اننا ننشر الصح بالكلام لحد ما نقدر نعمله
ما تكرر تقرر يا فندمه :)
@ Anonymous
بالنسبه للقدرات الخارقه بتاعت قفل السماعه في وش الشيطان دي صعبه عليا شويه :P
مش مهم اكون كلامنجيه اوي، الاهم ان كلامي يأثر في الي بيسمع ;)
الكلمه ايد والكلكه جل والكلمه باب
الكلمه نجمه كهربيه فى الضباب
الكلمه كوبرى صلب فوق نحر العباب
وكان المسيح عليه السلام كلمه الله
وكل الشرائع هى كلام الله
البوست رائع وكلامتك مبدعه
تحياتى
ان من البيان لسحرا...البيان اى الكلام فى احد صوره
وقال تعالى عن سيدنا عيسى انه كلمه الله القاها الى مريم
وخلق الله الوجود بكلمه (كن) فكان
كلمه اقابل بها الله عنك
جزاكى الله خيرا
تحياتى
Post a Comment