النهارده اجازة عشان المولد النبوي الشريفكل سنه وانتم طيبين
طبعا النهارده اكلت الحلويات وعيدت على اصحابك
السؤال بقى
عملت ايه لنصرت نبيك؟؟
غتته انا صح
المرة دي لما اتكرر الاستهزاء والرسوم محدش اتحرك زي اول مرة
هي المرة دي بقت عادي؟؟
انا طبعا ضد حرق السفارات وتدمير الممتلكات بتاعت الحكومه الدنماركيه
بس حتى المظاهرات محصلتش
لـــــــــيه؟؟
طبعا هلاقي الي يقولي احنا عاملين زي الي جارتها شتمتها وراحت تتخانق مع جوزها
يعني
الدنمارك استهزات بالرسول عليه الصلاة والسلام واحنا بنغني لبعض
ونتخانق مع بعض
هل وصلهم حاجه من الحاجات دي؟
لأ طبعا
ببساطه عشان احنا بنكلم بعض بس
مبنحاولش نوصلهم
الا طبعا محاولات بسيطه من الدعاه
"خاطبوا الناس على قدر عقولهم"
يعني المفروض نكلمهم باللغه الي بفهموها
لو بجد الناس الي تعرف لغات وجهت جزء من مجهودها
لتوضيح فكرة الاسلام ودور سيدنا محمد في نشرة
هنغير فكرة الغرب كتير اوي
ثانيا المقاطعه
طبعا هلاقي الي يقولي
يييييييييوه انتوا مبتزهقوش
انا مش مقتنع بيها اصلا
انا كنت كده
بس الغرب بيعبدوا القرش
ممكن تملكه بالفلوس
لانهم ببساطه طماعين جدا
اول مرة لما قاطعنا
ابدوا اسفهم
ولما رجعنا وسامحنا
كرروها
فلازم برجع ونفهمهم ان احنا مش هنضعف
ولازم يدفعوا ثمن هذا الاستهزاء
بالشيء الي يأثر فيهم
وصلي اللهم وسلم وبارك على سيدنا ونبينا محمد
عليه افضل الصلاة والتسليم
9 comments:
احنا فعلا مقصرين جدا فى حق نبينا
لكن ربنا يهدينا
تحيــــــاتى
المصـــــــرى
ممكن قائمه بالمنتجات الى الشركات الدنماركيه بتنتجها عشان نقاطعها ونبعتها لصحابنا الى مسجلينهم عندنا ونبقى كده قمنا بدور بسيط جدا لنصره نبينا محمد
مبروك على تغيير شكل المدونه
والمزيكا الجميله
المصري
ربنا يهدي الجميع
وانا اولهم يا رب
كلوبميتي :]
انا انبسط اوي ان الشكل الجديد
عجبك
وهبقى ابعتلك المنتجات في ميل
انت تأمر بس
اللهم صلى على سيدنا محمد
كنت عاوز اقول ان العبئ مش بس بيقع على الافراد
لكن ايضا على الحكومات
اسرائيل لما حد بيقرب او بينكر الهولوكست بيقلبوا الدنيا وتلاقى تلت اربع دول طالبه الاعتذار لاسرائيل
ودى مجرد حادثه تاريخيه
اما عندما يحاول اى مسخ من النيل من نبينا فلا يوجد مؤسسه رسميه ترد بشده
تخيلى ان الازهر وهو اكبر جامعه اسلاميه فى العالم استنكر
مجرد استنكر
المفتى لم يحرك ساكنا
منظمه العالم الاسلامى تجمع تبرعات من سنتين لطبع كتاب بكافه اللغات ولم يظهر للنور حتى الان
انا معكى يا سيدتى علينا واجب كمسلمين ولكن السؤال هل تجدى القطرات
هناك فى اوربا توجد مؤسسات تساند الافراد فى توصيل اصواتهم
فالصحفى او رسام الكاريكاتير ساندته صحيفته ثم مجموعه صحف دنمركيه ثم اوروبيه
انا نحن بيخاف رؤساء تحرير الصحف من التحدث فى الموضوع او مهاجمه الدنمارك او طلب المقاطعه لان بينهم مصالح
حسبى الله ونعم الوكيل
تحياتى لمشاعرك الجميله
ممــــكن
انت عارف ان احنا لو طالبا الحكومه او الازهر بحاجه نبقى بنهرج
انا بتكلم عن افراد او حتى شركات مجهودات فرديه يعني
كارفور مصر وقف بيع المنتجات الدنماركيه ودي خطوة من شركه كبيرة
معز مسعود المذيع بتاع برنامج الطريق الصح راح الدنمارك وعمل محاضرات للناس هناك الي ميعرفوش حاجه عن الاسلام خالص
كل الي عايزة اقوله
كل واحد يعمل الي يقدر عليه حتى لو مجهود صغير اوي
اكيد هيعمل تأثير
اللهم صلى على سيدنا محمد
عزيزى momken الافراد هما الى المفروض يحركو الحكومات لان الحكومات الى بينتخبها افراد بس ده مش فى بلدنا اذا فلو الافراد اعتمدو على ان الحكومه ممكن تفوق لوحدها وده فى المشمش يبقى مش هنعمل حاجه
الكشك الى على نصيتنا خليناه بيطل يجيب نيدو او شيكولاته كندر وكل الى يعرف حاجه بتنتج فى الدنمارك بينبه ليها وبطل يجيبها وكمان السوبر ماركت الى فى المنطقه حط اعلان انه بطل يتعامل معاها ده غير مالعزيزه شيكو قالت الى كارفور عمله
بالنسبه لاسرائيل بقى اكيد شوفت صوره جورج بوش فى الاهرام لما كان بيزور دول الخليج وهو قاعد مجعوص وجنبه سلطان من السلااطين وقدامهم بنتين عربيتين بيتمايلو على انغام الموسيقى وخدلى بالك طبعا والصوره دى فى اول صفحه فى الاهرام يبقى ليهم حق يقتلو رجالنا ويتمو اطفالنا ويستبيحو حرمه نسائنا على كيف كيفهم احنا اقل من اننا نتقارن مع اسرائيل
العزيزه شيكو
فين القائمه بتاعت المتجات الى قلتى هتبعتيها ميل
ولا انتى اقول لا افعال برضن انصحك تقرى مدونتك تانى ( عملت ايه لنصره نبيك )
kulobamya
ولله برافو عليكم ان انتم قدرتوا تعمله كده مع كل المحلات الي حوليكم
طبعا ده كان بسبب اتفاقكم على مبدأ واحد
وده صعب تحقيقه في كل المناطق
ولو على المقاطعه الحكوميه ما عبد الناصر منع الاستيراد كل حاجه والناس قالت عليه مبيفهمش- انا مش مع عبد الناصر في كل حاجه- بس عمل حاجه لبلده ومن غير ما حد يغلط فيه
فبدل ما كل شويه نقول قاطهع المنتجات الاسرائيليه والامريكيه
وشويه الدنماركيه والهولندليه
طب ما كل واحد يشتري المنتجات المصريه والعربيه بس
كل الي هتعمله تشوف بلد الصنع لو مصري او عربي تمام لو لا خلاص
اكيد قبل استيراد كل ده كانت النس عايشه
وبالنسبه لعلاقات الدول مع اسرائيل بجد مش في ايدنا حاجه ده
مش احنا الي مضينا الكويز
wenty tayeba
أنشرها بين المدونين ان استطعت
ادعوكم لزيارة هذه المدونه
http://www.ta7arosh.blogspot.com/
Post a Comment