البوست الي فات قصه خنيقة ونكديه عارفة، بس انا قصدي منها مليون حاجه غير اني احكيها وخلاص
القصه جزء لا بأس به منها حقيقي وهاني ده شخصية حقيقة كان نفسي اتعرف على شخصه
يومها في خلال اربع ساعات جوة المستشفى دخلت 10 حالات انتحار
وتلات اطفال شاربين ادوية ومبيدات حشرية
مهتمتش اوي بالاطفال لانهم اهمال من الاهل
بس 10 في الوقت القصير ده كان عدد مخيف
انا عن نفسي متعاطفه معاهم جدا مع اعتراضي الشديد على السلوك نفسه مش الاشخاص
المخدرات والفساد الاخلاقي والانتحار دول نتيجة للتخبط
كل انسان بيدور لنفسة على مكان في الدنيا والناس دي مش شايفه مكان ليها
واحنا بدل ما نحسسهم انهم ليهم مكان بنهزأهم ونحقرهم ونحس بالعار في وجودهم
هل هو ده الحل؟؟؟
اه انا عارفة ان في ناس كتير جدا هتقولي البعد عن الدين هو السبب
انا معاهم في الرأي ده
طب دورنا ايه في الدين ده عشان نخلي الناس دي تتمسك بأمل لايزول؟
ولله انا كان نفسي اروح تاني واحاول اوفر مسانده نفسيه للناس دي بس صعب جدا
اولا لان ظروفي مش هتسمحلي ادخل المكان ده تاني
ثانيا اهالي المرضى دول مش هيوافقوا لان ده عار بالنسبالهم
وطبعا ده غير النظرة الي مش راضية تتغير عن الطب النفسي وارتباطه بالجنون
بجد بلاش نحكم على الناس من خلال موقف مهما ظهر فيه ضعف ايمانهم
2 comments:
ربنا يشفى كل مريض
ويرحمنا جميعا
لكن عند وصل الشخص لمرحله انهاء حياته
فده مش ياس
ده كره لروحه
ايه الى ممكن يخلينا نكره روحنا
طلما مش بنظلم
ومش بنضر حد
لو مظلومين
او حد ضرنا
انهاء حيتنا هيخلى الظالم يتمتع بنتصاره
اكننا بنديله جايزة على ظلمه
وبنقوله تمادى
البوست حلو
جعلك الله سببا فى احياء ناس عايشين
تحياتى
علي فكرة الأحساس الي عند الناس الي بتتكلمي عليهم ، بيجي وقت من الأوقات علي أي حد بيحس نفس الأحساس ، وطبعا مفيش حد بيكون خالي من المشاكل سواء نفسيه او مادية او عاطفيه ، بس الشاطر الي يقدر يمسك نفسه قبل ما يودي نفسه في نصيبه ، وعلي فكرة انا حصلي قبل كده موضوع الانتحار بس علي سبب تافه خالص بس ربنا ستر
في مرة كنت رايح الكلية الصبح بدري ولحقت القطر بالعافيه ، ورحت ماسك في باب القطار وللأسف كان باب القطار مقفول ومينفعش افتحه ، يعني من الاخر مش حينفع ادخل القطار غير في المحطة الي جايه ، ويومها كانا في عز الشتا والقي الشطان يقولي يبني ارمي نفسك الجو سقعه قوي ، تصدقي والله كنت حعملها بس ربنا ستر ولقيت الجو مرة واحده بقي دافي وميه وميه حمدة ربنا ان الواحد مضعفش ومشي وراء الشيطان
ربنا يحفظنا ويحفظ كل مسلم ويسترنا
امضاء
مااازن
Post a Comment