البقاء لله......... اولى كلماتي له، كم من الصعب بعد كل تلك الصداقة الطويله ان نتحدث في الافراح والاحزان فقط ؛لنقول تلك الدباجات المحفوظة منذ الازل، حتى هذه لم يعد نفس الاحساس بها موجود، نعم اعزيك لكني الآن لا اشاطرك الاحزان، وكم انا متألمه لذلك فكم حملت احزاني عني
بالفعل افتقدك ، افتقد البوح لك بخواطري، والهمس اليك بآلامي، ومقاسمتي احزاني وافراحي
اعتذر اليك ان العمر مضى واجبرنا معه على المضي، اعتذر ان الصداقة لم تدم ولم تعد تحمل نفس المعاني، وأهم شيء........ اعتذر اني تعلمت الكثير من الطبخات دون ان اعلمك اياها
12 comments:
للأسف ساعات كتير الواحد بيبقى مجبر انه يعمل حاجات مش عايز يعملها و يفقد ناس مش عايز يفقدهم
و ساعات بتكون غلطتنا
و في الحالتين بنحس بشيء جوانا
شيء زي ماهو مليان الم مليان امل و ساعات مليان ياس
مش عارفة اية هوه بس بنبقى نفسنا كل حاجة ترجع زي زمان
بس زي ما بيقولوا
قول للزمان
ربنا يصبرنا على الحياة دية
سلام عليكِ
نعكشة
على اد ما الموقف مؤلم الا اني طول ما كنت بعزيه وانا مبتسمة بجد كنت سعيدة بسماع صوته
فعلا على اد الالم مفروض يكون الامل
اكتر حاجه فرحتني ان العدوى بتاعت مش عارفة وصلتلك :P
مش عارف اقولك ايه
جميعنا يريد ان يعتذر لصديقه اذى فرق بينهم الزمان
البوست بتاعك ينفع لينا كلنا
تحياتى
ممكن
عود احمد، فينك من زماااااااااااان
انا قولت انك نسيت عالم التدوين كله
سعدت جدا برضه انك ابتديت كلامك ب مش عارف
وسعدت اكتر ان كل واحد فينا جواه اسف لصديق قديم
اعتذر ان الصداقه لم تدم
كلام قاسي اوي بس جميل وصفتيه بشكل رهيب
تحياتي لكي
سمكه واحد
ربنا يكرمك
بس الحياه اقسى من اي كلام
فعلا عندك حق الحياه اقسي من اي كلام
بس لازم نهاتي فيها ولا ايه
فينك انتي بقي
مفيش جديد ليه يارب يكون خير وكسل مش اكتر
تحياتي
سمكه واحده
الحياة فعلا قاسية لدرجة اني مش لاقية وقت نهائي اعمل اي حاجه
ولا حتى ادخل على النت
بجد دوام الحال من المحال
وشكرا على السؤال
كل واحد منا فى فحياته حاجه جميله ضاعت ده على الاقل وسبب ضياعها اننا مبنكونش قدرناها صح وهى معانا وده بيخلينا نرجع نقيم الى معانا دلوقتى صح عشان متتكررش الخساره تانى
من اتعس التغيرات التى لابد وان تطرا على حياة كل منا هو فراق صديق
وضياع الاحساس الجميل الذى كنا نعيشه فى صحبته
تعرفى احلى ما فى مدونتك ايه واللى خلانى اشوفها مختلفة
انى حاسه انك بتكلمى نفسك
واحدة قاعدة ساعة تجلى وبتقول اللى فى قلبها وعقلها ببساطة ومن غير فزلكة
او ادعاء فهم كل اسرار الكون
(:
انت جميلة وقلمك جميل
تحياتى لقلبك الجميل
ا
Anonymous:
يا رب محدش يخسر حد
لان الفراق فعلا صعب
همسة:
اخجلتم تواضعتا
وبجد ربنا يسعدك زي ما فرحتيني بتعليقك ده
Post a Comment